ඩයලොග් ආසිආටා පී.එල්.සී, කන්ද උඩරට ඓතිහාසික සුලෝහිත සංග්‍රාමය හා එක්වේ

ඩයලොග් ආසිආටා පී.එල්.සී, දීර්ඝ කාලයක් පුරා ප්‍රතිවාදීන් බවට පත්වන ධර්මරාජ සහ කිංග්වුඩ් විදුහල් අතර කන්ද උඩරට පැරණිතම මහ සටන වන සුලෝහිත සංග්‍රාමය හා එක්ව සිටියි. මෙම මහ තරගය අප්‍රේල් 4 සිට 6 වැනිදා දක්වා පල්ලෙකැලේ ජාත්‍යන්තර ක්‍රිකට් ක්‍රීඩාංගණයේදී පැවැත්වීමට යෙදී තිබේ.

එළැඹෙන තරගය මෙම ඓතිහාසික තරගමාලාවේ 118 වැන්න වේ. මෙතෙක් පැවැති තරග 117 අතුරින් තරග 36ක ජයග්‍රහණ සමගින් ධර්මරාජ විද්‍යාලය ඉදිරියෙන් සිටින අතර කිංග්ස්වුඩ් තරග 19 ක ජය වාර්තා කරද්දී සෙසු තරග ජය පැරදුමෙන් තොරව නිමාවට පත්ව තිබේ. ඉකුත් වසරේ දුලාර බන්දුලසේනගේ නායකත්වය යටතේ ජයග්‍රහණය වාර්තා කළ ධර්මරාජ ‍විදුහල ශූරයන් සඳහා පිරිනැමෙන කුසලාන වත්මනේ තමන් සන්තකයේ තබාගෙන සිටියි.

කිංගස්වුඩ් කණ්ඩායමක් විසින් මෙහි ජයග්‍රහණය වාර්තා කළ අවසන් අවසන් අවස්ථාව 1958 තරම් ඈතකට දිවෙන අතර ඒ අනුව 1958 දී මොරිස් ප්‍රනාන්දුගේ නායකත්වයෙන් රැන්ඩිල්ස් හිල්ස් හීදී ජයගැනීමෙන් අනතුරුව පුරා වසර 67ක දීර්ඝ ජයග්‍රහණ නියඟය නිමාකිරීමේ බැරෑරුම් අභියෝගයක් මෙවර කිංගස්වුඩ් කණ්ඩායම හමුවේ ඇත.

කිංග්ස්වුඩ් වෙනුවෙන් ගයාන් ප්‍රනාන්දු සහ ධර්මරාජය වෙනුවෙන් තනූජ ගොඩේවත්ත යන මහත්වරුන්ගේ නායකත්වයෙන් යුත් ඒකාබද්ධ තරග සංවිධාන කමිටුව, කිංග්ස්වුඩ්හි විදුහල්පති ධම්මික හේරත් සහ ධර්මරාජයේ විදුහල්පති මහේෂ් කරුණාරත්න යන මහත්වරු සමඟ එක්ව තරගයේ විනය හා සම්ප්‍රදායන් පවත්වා ගැනීමට ඉතා උනන්දුවෙන් කටයුතු කරනු ලබයි.

මෙම පාසල් දෙකෙන්ම ශ්‍රී ලංකාව ජාතික මට්ටමින් නියෝජනය කළ විශිෂ්ට ක්‍රිකට් ක්‍රීඩකයින් බිහිව තිබේ. ධර්මරාජගේ එම ලැයිස්තුවට වේගපන්දු යවන ක්‍රීඩක ටී.බී. කෙහෙල්ගමුව, චාමර කපුගෙදර, සඳුන් වීරක්කොඩි, ආනන්ද ජයසුන්දර, හැරල්ඩ් රණසිංහ, සේනක දිසානායක, මහින්ද පෙතියාගොඩ, රවී රාජපක්ෂ, අජිත් නාරම්පනාව, ප්‍රියන්ත වේරගොඩ, නන්දන කනගරත්න, පුබුදු සෙනෙවිරත්න, ලහිරු සමරකෝන්ආදීහු ඇතුළත්ව සිටිති. කිංග්ස්වුඩ් වෙනුවෙන් ලලිත් විජේරත්න, නසාර් රසාක්, ඔයින් මාතාවු, ක්ලිෆර්ඩ් රත්නවිභූෂණ, සුවන්ජි මදනායක, නිසිත රූපසිංහ, සහ දේමින්ත දහනායක එම අවස්ථාව හිමිකරගත්තෝ වෙති.

මෙම තරග වාරයේ දස්කම් සැසඳීමේදී පස්වැනි වසරේ වර්ණලාභියකු සහ ශ්‍රී ලංකා යොවුන් කණ්ඩායමේ ක්‍රීඩක පුලිඳු පෙරේරා විසින් නායකත්වය දරනු ලබන ධර්මරාජ කණ්ඩායම ඉදිරියෙන් සිටින අතර, කිංගස්වුඩ් කණ්ඩායමද ශ්‍රී ලංකා යොවුන් කණ්ඩායමේ සමාජිකයකු වන කිවිජ ගමගේ විසින් මෙහෙයවනු ලබයි.

මෙම තෙදින තරගයෙන් අනතරුව විදුහල් අතර වාර්ෂික එක්දින තරගය අප්‍රේල් 18 වැනිදා පල්ලෙකැලේ ක්‍රීඩාංගණයේදීම පැවැත්වීමට යෙදී තිබේ. වින්සන්ට් හූල් කුසලාන සඳහා පැවැත්වෙන මෙම තරගමාලාවේ 36 වැන්න මෙය වන අතර ධර්මරාජ කණ්ඩායම ජයග්‍රහණ 18ක් සමගින් ජයග්‍රහණ අතින් ඉදිරියෙන් සිටියදී ඉකුත් වසරේ තිසරු වන්නිනායකගේ නායකත්වය යටතේ ඉකුත් වසරේ තරගය ජයගනිමින් වත්මන් ශූරයන් බවට පත්ව සිටිනුයේද ඔවුන්ය. කිංගස්වුඩ් විදුහල මෙම තරගය 14 වරක් ජයගෙන ඇති අතර ඔවුන්ගේ අවසන් ජයග්‍රහණය නානුක දිසානායකගේ නායකත්වය යටතේ වාර්තා වී ඇත.

ඩයලොග් ආසිආටා, ක්‍රිකට්, වොලිබෝල්, නෙට්බෝල් සහ Esports ජාතික කණ්ඩායම්වල සාඩම්බර අනුග්‍රාහකයා මෙන්ම, ශ්‍රී ලංකා විවෘත ගොල්ෆ් ශූරතාවලියේ ද ප්‍රමුඛ අනුග්‍රාහකයා වේ. ජාතික පැරාලිම්පික් කමිටුව සඳහා සක්‍රීය අනුග්‍රාහකත්වය පිරි නැමිම තුළින් මෙරට ක්‍රීඩක ක්‍රීඩිකාවන්ට ජාතික හා ජාත්‍යන්තර ශූරතාවලි සඳහා සහභාගී වීමට හැකියාව සලසමින්, ඩය‌ලොග්, ක්‍රිඩාවේ විවිධත්වය, සමානාත්මතාව හා අන්තර්කරණය ප්‍රවර්ධනය කරයි. තවද, හෙට දිනයේ ශූරයන් බලගැන්වීම සඳහා වන සිය කැපවීමට අනුකූලව ජනාධිපති රන් කුසලාන වොලිබෝල්, ජාතික කනිෂ්ඨ සහ ජ්‍යෙෂ්ඨ නෙට්බෝල් තරගාවලි මෙන්ම පාසල් රග්බි ක්‍රීඩාව බල ගැන්වීමට ඩයලොග් කටයුතු කරනු ලබයි.