டயலொக் மற்றும் NARA இணைந்து Sayuru App மூலம் மீனவர்கள் சாத்தியமான மீன்பிடி மண்டலங்களை கண்டறிய உதவுகின்றன

இடமிருந்து வலமாக : கலாநிதி கே.எச்.எம்.எல். அமரலால், பிரதிப் பணிப்பாளர் நாயகம் – ஆராய்ச்சி மற்றும் மேம்பாடு, NARA; கலாநிதி கே. அருளானந்தன், பணிப்பாளர் நாயகம், NARA; கலாநிதி சனத் ஹெட்டியாராச்சி, தலைவர், NARA; திரு. சுபுன் வீரசிங்க, பணிப்பாளர் / குழு பிரதம நிறைவேற்று அதிகாரி, டயலொக் ஆசிஆட்டா பிஎல்சி; மற்றும் திரு. அசங்க பிரியதர்ஷன, நிலைத்தன்மை மற்றும் குழு இடர் மற்றும் இணக்கப்பாட்டு பிரதம அதிகாரி, டயலொக் ஆசிஆட்டா பிஎல்சி.

இடமிருந்து வலமாக : கலாநிதி கே.எச்.எம்.எல். அமரலால், பிரதிப் பணிப்பாளர் நாயகம் – ஆராய்ச்சி மற்றும் மேம்பாடு, NARA; கலாநிதி கே. அருளானந்தன், பணிப்பாளர் நாயகம், NARA; கலாநிதி சனத் ஹெட்டியாராச்சி, தலைவர், NARA; திரு. சுபுன் வீரசிங்க, பணிப்பாளர் / குழு பிரதம நிறைவேற்று அதிகாரி, டயலொக் ஆசிஆட்டா பிஎல்சி; மற்றும் திரு. அசங்க பிரியதர்ஷன, நிலைத்தன்மை மற்றும் குழு இடர் மற்றும் இணக்கப்பாட்டு பிரதம அதிகாரி, டயலொக் ஆசிஆட்டா பிஎல்சி.

டயலொக் நிறுவனத்தின் Sayuru வானிலை எச்சரிக்கை மற்றும் முன்னறிவிப்பு சேவை, 2020 ஆம் ஆண்டு வளிமண்டலவியல் திணைக்களம் மற்றும் கடற்றொழில் மற்றும் நீரியல் வளங்கள் திணைக்களத்துடன் இணைந்து தொடங்கப்பட்டது. இச்சேவை தற்போது நாடு முழுவதும் 110,000 க்கும் மேற்பட்ட நாள் படகு மீனவர்களுக்கு இலவசமாக வழங்கப்படுகிறது.

Sayuru App இன் மேம்படுத்தப்பட்ட பதிப்பு, இலங்கை மீனவர்களுக்குப் பெரிதும் உதவியாக இருக்கிறது. இது நிகழ்நேர, குறிப்பிட்ட இருப்பிடத்துக்கான வானிலை முன்னறிவிப்புகள், அவசர எச்சரிக்கைகள் மற்றும் அத்தியாவசிய கடல்சார் பாதுகாப்பு தகவல்களை வழங்குகிறது. இவற்றுடன், இணைய இணைப்பு இல்லாமல் செயல்படும் வரைபடங்கள், உள்ளமைக்கப்பட்ட டிஜிட்டல் திசைகாட்டி, மற்றும் கடற்றொழில் திணைக்கள சேவைகளுக்கான அணுகல் போன்ற கூடுதல் அம்சங்களும் இதில் உள்ளன. இந்த ஒருங்கிணைந்த முயற்சி, இலங்கையின் கடலோர மீன்பிடி சமூகங்களுக்குத் தொழில்நுட்பத்தின் வாயிலாக வலுவான ஆதரவை அளிப்பதில் ஒரு முக்கியமான மைல்கல்லாகும்.

புதிய PFZ (சாத்தியமான மீன்பிடி மண்டலங்கள்) அம்சம் மீனவர்களுக்கு பெரும் பயனளிக்கிறது. NARA, செயற்கைக்கோள் மற்றும் கடல்சார் தரவுகளைப் பகுப்பாய்வு செய்து, மிகவும் உற்பத்தித்திறன் மிக்க மீன்பிடிப் பகுதிகள் குறித்த துல்லியமான, நிகழ்நேரத் தகவல்களை வழங்குகிறது. இந்த அம்சம் Sayuru App இல் நேரடியாக ஒருங்கிணைக்கப்பட்டுள்ளதால், மீனவர்கள் மிகவும் நம்பிக்கைக்குரிய சூரை மீன்பிடி இடங்களை எளிதாகக் கண்டறியலாம். இதன் மூலம், எரிபொருள் பயன்பாடு குறைவதோடு, தினசரி மீன் பிடிப்பும் மேம்படும். டயலொக், தனது நிலைத்தன்மைக்கான அர்ப்பணிப்பின் ஒரு பகுதியாக, பொருளாதார நிலைமையைப் பொருட்படுத்தாமல் அனைவருக்கும் இந்தச் சேவையை இலவசமாக வழங்குகிறது.

"NARA இன் PFZ சேவைக்கான தொலைநோக்குப் பார்வையை அடைவதற்கு ஆதரவளிப்பதில் டயலொக் மகிழ்ச்சி அடைகிறது," என டயலொக் ஆசிஆட்டா பிஎல்சி இன் பணிப்பாளர்/குழு பிரதம நிறைவேற்று அதிகாரி திரு. சுபுன் வீரசிங்க தெரிவித்தார். "எமது தொழில்நுட்ப நிபுணத்துவத்தைப் பயன்படுத்தி, மீன்பிடி சமூகங்களுக்கு நிகழ்நேர, அறிவியல் அடிப்படையிலான தரவுகளை வழங்குவதன் மூலம், அவர்கள் தகவலறிந்த முடிவுகளை எடுக்கவும், மேலும் நிலையான மீன்பிடி நடைமுறைகளை மேற்கொள்ளவும் உதவுகிறோம். இந்தச் சேவையை Sayuru App இல் ஒருங்கிணைப்பது, பாதுகாப்பு, செயல்திறன் மற்றும் சுற்றுச்சூழல் நிர்வாகத்தை ஊக்குவிக்கும் தேசிய முயற்சிகளுக்கான எமது உறுதிப்பாட்டைப் பிரதிபலிக்கிறது," என்றும் அவர் மேலும் குறிப்பிட்டார்.

"செயற்கைக்கோள் அடிப்படையிலான மீன்பிடி ஆலோசனைகள் மீனவர்களுக்கு சிறந்த மீன்பிடிப் பகுதிகளைக் கண்டறியவும், பயண நேரத்தைக் குறைக்கவும், இதன் மூலம் தொழில்துறையின் ஒட்டுமொத்த செயல்திறனை மேம்படுத்தவும் உதவுகின்றன," என்று NARA இன் தலைவர் கலாநிதி சனத் ஹெட்டியாராச்சி தெரிவித்தார். "2008 ஆம் ஆண்டு முதல், NARA மின்னஞ்சல், வானொலி மற்றும் சமூக ஊடகங்கள் வழியாக சூரை மீன்பிடி ஆலோசனைகளை வழங்கி வருகிறது. தற்போது, டயலொக் ஆசிஆட்டா பிஎல்சி உடன் இணைந்து Sayuru App ஐ பயன்படுத்துவதன் மூலம், நிலையான மீன்பிடி நடைமுறைகளுக்கும், செலவு குறைந்த செயல்பாடுகளுக்கும் தேவையான அத்தியாவசியத் தரவுகளை, பயனர் நட்பு ரீதியிலான, நிகழ்நேரத் தீர்வாக வழங்க முடிகிறது," என்றும் அவர் மேலும் கூறினார்.

இலங்கை மீனவர்களின் வாழ்வாதாரத்தை மேம்படுத்துவதையும், சுற்றுச்சூழலுக்குப் பொறுப்பான நடைமுறைகளை ஊக்குவிப்பதையும் நோக்கமாகக் கொண்ட டயலொக் மற்றும் NARA இன் பொதுவான உறுதிப்பாட்டை இந்த ஒத்துழைப்பு எடுத்துக்காட்டுகிறது. மீன்பிடி சமூகங்களுக்கு அத்தியாவசிய கருவிகள் மற்றும் தரவுகளை வழங்குவதன் மூலம், இந்த முயற்சி நிலையான வள மேலாண்மைக்கும், இலங்கையின் கடல் சூழலியல் அமைப்புகளின் நீண்டகாலப் பாதுகாப்பிற்கும் பங்களிக்கிறது.