டயலொக் விரைவான வலையமைப்பு மீட்டெடுப்பை நிறைவுசெய்தது மற்றும் தேசிய இணைப்பை விரிவுபடுத்த உறுதியளிக்கிறது

இடமிருந்து வலமாக: லசந்த தெவரப்பெரும, குழும பிரதம சந்தைப்படுத்தல் அதிகாரி, டயலொக் ஆசிஆட்டா பிஎல்சி; சுபுன் வீரசிங்க, இயக்குநர் / குழும பிரதம நிறைவேற்று அதிகாரி, டயலொக் ஆசிஆட்டா பிஎல்சி; ரங்கா காரியவசம், குழும பிரதம தொழில்நுட்ப அதிகாரி டயலொக் ஆசிஆட்டா பிஎல்சி; மற்றும் லிம் லி சான், குழும பிரதம செயற்பாட்டு அதிகாரி, டயலொக் ஆசிஆட்டா பிஎல்சி.

• டிட்வா புயல் (Cyclone Ditwah) மற்றும் அது தொடர்பான சீரற்ற வானிலை நிலைமைகளைத் தொடர்ந்து, மொத்தமுள்ள 6,000 தளங்களில் பாதிக்கப்பட்ட 2,200 தளங்கள் மற்றும் fibre கேபிள் இணைப்புகள் (fibre backbones) முழுமையாக மீட்டெடுக்கப்பட்டுள்ளன.
• துரிதமான மீட்பு முயற்சிக்கு உதவிகளை வழங்கிய தொலைத்தொடர்பு ஒழுங்குபடுத்தல் ஆணைக்குழு (TRCSL), முப்படைகள், இலங்கை காவல்துறை மற்றும் அனைத்து அரசாங்க நிறுவனங்களுக்கும் டயலொக் தனது நன்றியைத் தெரிவிக்கிறது.
• இலவச voice அழைப்பு, SMS, டேட்டா மற்றும் 39 உள்ளூர் மற்றும் சர்வதேச செனல்களுக்கான அணுகல் மூலம் Mobile, Home Broadband மற்றும் Dialog Television ஆகிய சேவைகளைப் பயன்படுத்தும் 8 மில்லியனுக்கும் அதிகமான வாடிக்கையாளர்களுக்கு ஆதரவு வழங்கப்பட்டது.
• வலையமைப்புத் தடங்கல்களால் வாடிக்கையாளர்களுக்கு ஏற்பட்ட சிரமங்களுக்காக மனப்பூர்வமாக வருந்துவதுடன், அதிக தாங்கும் திறன் கொண்ட வலையமைப்பை (more resilient network) உருவாக்குவதற்கு டயலொக் உறுதியளிக்கிறது.
• சேவை குறைவாக உள்ள பகுதிகளில் சுமார் 800 புதிய தளங்களை அமைப்பதன் மூலம் கவரேஜை விரிவுபடுத்தவும், காலநிலை தாங்கும் உட்கட்டமைப்பை மேம்படுத்தவும் அடுத்த மூன்று ஆண்டுகளுக்குள் 250 மில்லியன் அமெரிக்க டாலர்களை டயலொக் முதலீடு செய்யவுள்ளது.

இலங்கை, அண்மைய ஆண்டுகளில் மிகவும் சவாலான ஒருகாலகட்டத்தை எதிர்கொண்டது. வெள்ளம் மற்றும் மண்சரிவுகள் நாடுமுழுவதும் உள்ள குடும்பங்கள், சமூகங்கள் மற்றும் அத்தியாவசிய உட்கட்டமைப்புகளைச் சீர்குலைத்தன. இதற்குப் பதிலளிக்கும் விதமாக, டயலொக் ஆசிஆட்டா பிஎல்சி நிறுவனம், தேசிய அவசரகால நடவடிக்கைகளை ஆதரிப்பதற்கும், மிக முக்கியமானதகவல் தொடர்புச் சேவைகளைப் பராமரிப்பதற்கும், மில்லியன்கணக்கான இலங்கையர்களுக்கான இணைப்பை மீட்டெடுப்பதற்கும், விரிவான நாடளாவிய முயற்சியை மேற்கொண்டது.

வலையமைப்பு முழுவதும் ஏற்பட்ட தொழில்நுட்பத் தாக்கம் மற்றும்மேற்கொள்ளப்பட்ட பணிகள் குறித்துப் பேசிய டயலொக் ஆசிஆட்டா பிஎல்சி இன் குழுமத் தலைமைத் தொழில்நுட்ப அதிகாரி ரங்காகாரியவசம், பின்வருமாறு தெரிவித்தார்: “சமீபத்திய கடுமையானவானிலை, எங்கள் வலையமைப்பின் பல நிலைகளிலும் பாரியசேதத்தை ஏற்படுத்தியது. fibre கேபிள்கள் துண்டிக்கப்பட்டமை, தளங்களில் வெள்ள நீர் சூழ்ந்தமை, நீண்டகால மின்தடைகள் மற்றும்பாதிக்கப்பட்ட பகுதிகளுக்குச் செல்வதில் உள்ள கட்டுப்பாடு ஆகியகாரணங்களால், எமது 6,000 தளங்களில் 2,200 தளங்களில்இணைப்பு வசதி தடைப்பட்டது. இந்த நிலைமைகள், அளவு மற்றும்சிக்கலின் அடிப்படையில் முன்னெப்போதும் இல்லாதவை. எமதுகுழுக்கள் உடனடியாகப் பதிலளித்தன. சவாலான சூழ்நிலைகளிலும், நேரத்தைப் பொருட்படுத்தாமல், சேவைகளை முடிந்தவரை விரைவாகமீட்டெடுக்க அயராது உழைத்தன. அண்மைய ஆண்டுகளில் நாங்கள்மேற்கொண்ட மிக விரைவான மீட்பு முயற்சிகளில் இதுவும் ஒன்று என்பதை மகிழ்ச்சியுடன் தெரிவித்துக் கொள்கிறேன். தற்போது, எமதுமுழு வலையமைப்பும் செயற்பாட்டில் உள்ளது. எமது பொறியியல், கள மற்றும் ஆதரவுக் குழுக்களின் அர்ப்பணிப்பு, அத்துடன் தொலைத்தொடர்பு ஒழுங்குபடுத்தல் ஆணைக்குழு (TRCSL), முப்படையினர், காவல்துறை, அனர்த்த முகாமைத்துவ நிலையம் (Disaster Management Centre) மற்றும் உள்ளூர் அதிகாரிகளின் விலைமதிப்பற்ற ஒத்துழைப்பு ஆகியவற்றால் இந்தச் சாதனை சாத்தியமானது. இந்தக் காலகட்டத்தில் எங்களுக்கு உதவிய அனைவருக்கும் எங்கள் மனமார்ந்த நன்றியைத் தெரிவித்துக் கொள்கிறோம்.”

இக்காலப்பகுதியில், டயலொக் நிறுவனம் தனது சேவைகள் முழுவதும் 8 மில்லியனுக்கும் அதிகமான வாடிக்கையாளர்களுக்கு ஆதரவளித்தது. இதில், 6 மில்லியன் Mobile வாடிக்கையாளர்கள் 4.5 மில்லியன் GB க்கும் அதிகமான இலவச டேட்டா ஒதுக்கீடு, 1.4 பில்லியன் இலவச voice நிமிடங்கள் மற்றும் 1.4 பில்லியன் இலவச SMS ஆகியவற்றின் மூலம் பயனடைந்தனர். மேலும், சுமார் 1 மில்லியன் Home Broadband வாடிக்கையாளர்கள் 10 மில்லியன் GB க்கும் அதிகமான அவசரகால டேட்டா ஒதுக்கீட்டைப் பெற்றனர். அத்துடன், 1.6 மில்லியன் Dialog Television வாடிக்கையாளர்களுக்கு 39 செனல்களுக்கான இலவச அணுகல் (Complimentary Access) கிடைத்தது. தகவல் தொடர்பு அத்தியாவசியமாக இருந்த ஒரு நேரத்தில், இந்த நடவடிக்கைகள் குடும்பங்கள் தங்கள் அன்புக்குரியவர்களுடன் இணைந்திருக்கவும், முக்கியமான தகவல்களை அணுகவும் உதவின.

நிறுவனம், ஆரம்ப எச்சரிக்கை அமைப்புகளைச் (Early Warning Systems) செயற்படுத்தி, 40 மில்லியனுக்கும் அதிகமானஎச்சரிக்கைச் செய்திகளைப் பரப்புவதன் மூலம் தேசிய அவசரகாலபதிலளிப்பு முயற்சிகளை வலுப்படுத்தியது. அதேசமயம், பதிலளிப்புக் குழுக்களிடையே தடையற்ற ஒருங்கிணைப்பை உறுதிப்படுத்துவதற்காக, இலங்கை விமானப்படை, இலங்கை இராணுவம் மற்றும் அனர்த்த முகாமைத்துவ நிலையம் ஆகியவற்றுக்கு செயற்கைக்கோள் இணைப்பு மற்றும் Wi-Fi வசதிவழங்கப்பட்டது. இணைப்புக்கு அப்பால், நிறுவனம் தனது பங்குதாரர் அமைப்புகள் மூலம் 400,000 இற்கும் அதிகமான குடும்பங்களுக்கு மனிதாபிமான நிவாரண ஆதரவை வழங்கியது. அத்துடன், அனர்த்தத்தால் பாதிக்கப்பட்ட ஊழியர்கள், சில்லறைவி ற்பனையாளர்கள் மற்றும் விநியோகஸ்தர்களுக்கும் நிறுவனம் உதவியை நீட்டித்தது.

நாட்டின் மிகப்பெரிய அந்நிய நேரடி முதலீட்டாளர் (Foreign Direct Investor - FDI) என்ற வகையில், டயலொக் நிறுவனம் அடுத்த மூன்று ஆண்டுகளுக்குள் மேலும் 250 மில்லியன் அமெரிக்க டாலர்களை முதலீடு செய்ய இலக்கு வைத்துள்ளது. இந்த முதலீடு 800 புதிய தளங்களை சேர்ப்பதன் மூலம் கவரேஜை விரிவுபடுத்தவும், காலநிலை தாங்கும் உட்கட்டமைப்பை மேம்படுத்தவும், கூடுதல் வலுவூட்டல் (redundancy) மற்றும் காப்புப் பிரதி சக்தி அமைப்புகளை (backup power systems) வலுப்படுத்தவும், மாற்று இணைப்புத் தீர்வுகளை விரிவுபடுத்தவும் உதவும். இதன் மூலம், இலங்கையின் மீட்சி மற்றும் நீண்டகால டிஜிட்டல் வளர்ச்சிக்கு ஆதரவளிப்பதற்கான நிறுவனத்தின் அர்ப்பணிப்பு வலுப்பெறுகிறது.

நாட்டிற்கான டயலொக்கின் தொடர்ச்சியான அர்ப்பணிப்புக் குறித்துப் பேசிய டயலொக் ஆசிஆட்டா பிஎல்சி இன் குழுமத் தலைமை நிர்வாக அதிகாரி சுபுன் வீரசிங்க அவர்கள், பின்வருமாறு தெரிவித்தார்: “கடந்த வாரங்கள் நம் தேசத்தின் பலத்தைச் சோதித்தன, இதனால் எங்கள் பல வாடிக்கையாளர்கள் மீது ஏற்பட்ட தாக்கத்தை நாங்கள் அறிவோம். அவர்கள் அனுபவித்த தடங்கல்களுக்காக நாங்கள் மனப்பூர்வமாக மன்னிப்புக் கோருவதுடன், அதிக தாங்கும் திறன் கொண்ட வலையமைப்பை (more resilient network) உருவாக்குவதற்கான எங்கள் உறுதிப்பாட்டை மீண்டும் வலியுறுத்துகிறோம். நிறுவனத்தின் ஒவ்வொரு பகுதியிலும் உள்ள எங்கள் குழுக்களுக்கு எனது மனமார்ந்த நன்றியைத் தெரிவித்துக் கொள்கிறேன். இந்தக் காலகட்டத்தில் அவர்களின் அசைக்க முடியாத அர்ப்பணிப்பு, தொழில்முறைத் தன்மை மற்றும் தனிப்பட்ட தியாகங்கள் ஆகியவை சேவைகளை விரைவாகவும் பாதுகாப்பாகவும் மீட்டெடுப்பதில் முக்கிய பங்கு வகித்தன. இப்போது எங்கள் முன்னுரிமை என்னவென்றால், ஒவ்வொரு சமூகத்திலும் உள்ள ஒவ்வொரு இலங்கையரும் நம்பகமான இணைப்பு வசதியைப் பெறுவதை உறுதி செய்வதே ஆகும். நாட்டின் தற்போதைய ஆதரவு மற்றும் எதிர்காலத் தயார்நிலையை மேம்படுத்த, எங்கள் வலையமைப்பின் அணுகலை விரிவுபடுத்தவும், அதன் தாங்கும் திறனை வலுப்படுத்தவும் நாங்கள் கடமைப்பட்டுள்ளோம்.”

தற்போது சேவைகள் நாடு முழுவதும் முழுமையாகச் செயற்பாட்டில்உள்ள நிலையில், டயலொக் நிறுவனம் இலங்கையின் மக்களுடன்தொடர்ந்து நிற்பதற்கும், ஒரு வலுவான, அதிக தாங்கும் திறன்கொண்ட (More Resilient) மற்றும் டிஜிட்டல் முறையில் அதிகாரம்பெற்ற தேசத்தைக் கட்டியெழுப்புவதில் ஒரு அர்த்தமுள்ள பங்கைவகிப்பதற்கும் தனது அசைக்க முடியாத அர்ப்பணிப்பை மீண்டும் வலியுறுத்துகிறது.