Dialog Pay வர்த்தகர் வலையமைப்பில் இணைகிறது Keells

ரேணுகா பெர்னாண்டோ, குழும முதன்மை டிஜிட்டல் சேவைகள் அதிகாரி, டயலொக் ஆசிஆட்டா பிஎல்சி; நிலுஷா பெர்னாண்டோ, சந்தைப்படுத்தல் பிரிவுத் தலைவர், Keells Supermarkets மற்றும் சிரேஷ்ட துணைத் தலைவர், John Keells Group.

இலங்கையின் முதன்மை இணைப்புச் சேவை வழங்குநரான டயலொக் ஆசிஆட்டா பிஎல்சி, நாடு முழுவதும் உள்ள அனைத்து Keells சூப்பர் மார்க்கெட்களிலும் வாடிக்கையாளர்கள் இனி Dialog Pay மூலம் பாதுகாப்பான மற்றும் வசதியான டிஜிட்டல் கொடுப்பனவுகளை மேற்கொள்ள முடியும் என அறிவித்துள்ளது. நாடளாவிய ரீதியில் 150 கிளைகளைக் கொண்டு, இலங்கையின் முன்னணி சூப்பர் மார்க்கெட் வலையமைப்புகளில் ஒன்றாக விளங்கும் Keells, Dialog Pay வர்த்தகர் கட்டமைப்பின் (merchant ecosystem) முதல் முக்கிய சில்லறை விற்பனைப் பங்காளிகளில் ஒன்றாக இணைகிறது. இதன் மூலம் வாடிக்கையாளர்கள் தடையற்ற scan-and-pay அனுபவத்தைப் பெறுவதுடன், தகுதியான பரிவர்த்தனைகளுக்கு இலவச டயலொக் டேட்டா வெகுமதிகளையும் பெற்றுக்கொள்ள முடியும்.

இந்தக் கூட்டாண்மை குறித்து Keells சூப்பர் மார்க்கெட்களின் சந்தைப்படுத்தல் பிரிவின் தலைவரும், John Keells Group இன் சிரேஷ்ட துணைத் தலைவருமான நிலுஷா பெர்னாண்டோ கருத்துத் தெரிவிக்கையில்: "Keells இல், எங்கள் வாடிக்கையாளர்களின் கொள்வனவு அனுபவத்தை மேலும் வசதியானதாகவும், லாபகரமானதாகவும் மாற்றுவதற்கான வழிகளை நாங்கள் எப்போதும் ஆராய்ந்து வருகிறோம். எங்களது சூப்பர் மார்க்கெட் வலையமைப்பு முழுவதும் Dialog Pay சேவையை அறிமுகப்படுத்துவதன் மூலம், வாடிக்கையாளர்களுக்கான கொடுப்பனவுத் தேர்வுகளை (payment choices) விரிவுபடுத்துவதுடன், மிகவும் வேகமான மற்றும் தடையற்ற ஒரு பணமதிப்பீட்டுச் செயல்முறையையும் அனுபவத்தையும் வழங்குகிறோம். இலங்கை முழுவதிலும் உள்ள வாடிக்கையாளர்களின் அன்றாட கொள்வனவு அனுபவத்தை தொடர்ந்து மேம்படுத்தும் அதேவேளையில், டிஜிட்டல் கொடுப்பனவுகளின் பயன்பாட்டை மேலும் ஊக்குவிப்பதில் டயலொக் நிறுவனத்துடன் கைகோர்ப்பதில் நாங்கள் பெருமகிழ்ச்சி அடைகிறோம்."

Dialog Pay App மற்றும் MyDialog App ஊடாகப் பெற்றுக்கொள்ளக்கூடிய 'Dialog Pay' ஆனது, இணைப்புத்திறன், டிஜிட்டல் கொடுப்பனவுகள் மற்றும் நிதிச் சேவைகளை ஒரே சுற்றுச்சூழல் அமைப்பிற்குள் ஒன்றிணைக்கிறது. இது ஒவ்வொரு இலங்கையருக்கும் டிஜிட்டல் கொடுப்பனவுகளை எளிதானதாகவும், அணுகக்கூடியதாகவும் மற்றும் அதிக பலன்களைத் தரக்கூடியதாகவும் மாற்றுவதற்கான டயலொக்கின் தொலைநோக்குப் பார்வைக்கு வலுவூட்டுகின்றது. வாடிக்கையாளர்கள் தங்களது eZ Cash கணக்கைப் பயன்படுத்தி அல்லது தங்களுக்கு விருப்பமான வங்கிக் கணக்கை இணைப்பதன் மூலம் மிக இலகுவாக Dialog Pay ஐ activate செய்ய முடியும். இதன் மூலம் பாதுகாப்பான LankaQR கொடுப்பனவுகளை மேற்கொள்ளவும், பணப்பரிமாற்றம் செய்ய, தங்களது digital wallet ஐ அணுகவும், சேமிப்புக் கணக்குகள் மற்றும் நிலையான வைப்புகளை ஆரம்பிக்கவும் முடியும் என்பதுடன், Dialog Finance மூலமாக வழங்கப்படும் கடன்களுக்கும் (loans) விண்ணப்பிக்க முடியும். நாடு தழுவிய ரீதியில் 100,000 க்கும் மேற்பட்ட சில்லறை விற்பனை நிலையங்களில் ஏற்றுக்கொள்ளப்படும் Dialog Pay, தகுதியுடைய QR கொடுப்பனவுகளுக்கு இலவச டயலொக் டேட்டாவை பரிசாக வழங்குகிறது. இது வாடிக்கையாளர்களின் அன்றாடப் பயன்பாட்டை ஊக்குவிப்பதுடன், இலங்கையை ஒரு டிஜிட்டல் மயமாக்கப்பட்ட மற்றும் பணமில்லா (cash-light) பொருளாதாரத்தை நோக்கி நகர்த்துவதற்கும் பங்களிக்கின்றது.