අංකය අලුත් කරගැනීමේ ක්‍රියාවලිය
මොබයිල් අංක අලුත් කරන්නේ ඇයි?
විදුලි සංදේශ නියාමන කොමිෂන් සභාව විසින් සෑම ටෙලිකොම් ආයතනයකටම ලබාදී තිබෙන මොබයිල් අංක සංඛ්‍යාව සීමා කර ඇත. විදුලි සංදේශ නියාමන කොමිෂන් සභාව ටෙලිකොම් සේවා සම්පාදකයෙකුට අතිරේක දුරකථන අංක සංඛ්‍යාවක් නිකුත් කරනු ලබන්නේ එම සේවා සම්පාදකයා වැඩි අංක සංඛ්‍යාවක් (වඩා කාර්යක්ෂමව අක්‍රිය කළ අංක අලුත් කිරීමෙන් පසු)උපයෝගී කරගෙන ඇත්නම් පමණි. සියලුම ටෙලිකොම් සේවා සම්පාදකයින් මෙම සීමා කිරීම තරයේ අනුගමනය කළ යුතුය.
නව අංක සීමිත බැවින් මීට පෙර භාවිත කර අක්‍රිය කරන ලද අංක නැවත නිකුත් කිරීමට සියලුම ටෙලිකොම් සේවා සම්පාදකයන්ට සිදුව තිබේ. මේ නිසා ග්‍රාහකත්වය ලබාගන්නා පිරිස වැඩි වෙත්ම, මීට පෙර අක්‍රිය කරන ලද අංක නව අංක ලෙස පාරිභෝගිකයාට නිකුත් කිරීම අත්‍යවශ්‍ය වේ.
Dialog ආයතනය මේ වන විට විදුලි සංදේශ නියාමන කොමිෂන් සභාව හඳුන්වාදුන් අංක අලුත් කිරීමේ ප්‍රතිපත්තිය අනුගමනය කරයි.
Dialog ආයතනය වර්තමානයේ ක්‍රියාවට නංවන අංක අලුත් කිරීමේ ප්‍රතිපත්තිය කුමක්ද?
- පසුගෙවුම් සම්බන්ධතා: පසුගෙවුම් සම්බන්ධතා ස්ථිරවම අක්‍රිය කර වසරක් ගතවූ පසුව අලුත් කරනු ලැබේ. පාරිභෝගිකයාගේ ඉල්ලීමක් මත හෝ හිඟ බිල්පත් ගාස්තු නොගෙවීම හේතුවෙන් ස්ථිරවම සම්බන්ධතාවයක් අක්‍රිය කරනු ලබයි.
- පෙරගෙවුම් සම්බන්ධතා: ගිණුමේ වලංගු කාලසීමාව මත පදනම්ව පෙරගෙවුම් සම්බන්ධතාවයක ආයු කාලය තීරණය වේ. සෑම සම්බන්ධතාවයකම ගිණුම සඳහා වලංගු කාලසීමාවක් තිබෙන අතර දින 365 ක උපරිම කාලසීමාවක් දක්වා සිදුකරන වලංගු රීචාර්ජ් කිරීමක් මත පදනම්ව එහි කාලසීමාව දීර්ඝ කෙරේ. වලංගු කාලසීමාව කල් ඉකුත්වීමට පෙර රීචාර්ජ් එකක් කර නැත්නම්, දින 52 ක සහන කාලසීමාවකින් පසු සම්බන්ධතාවය ස්ථිර ලෙසම අක්‍රිය කරනු ලැබේ.
පෙරගෙවුම් සම්බන්ධතාවයක් අක්‍රිය කර මාස 6 කට පසුව අලුත් කරනු ලැබේ.
අංකයක් අලුත් කරගත් විට Dialog සතුව පවතින පාරිභෝගිකයාගේ සියලුම තොරතුරු ලබාගැනීමේ හැකියාවක් නොපවතින අතර ඊට පහත සඳහන් තොරතුරු අයත් වේ:
- පෙර පාරිභෝගිකයාගේ නම සහ ජාතික හැඳුනුම්පත් විස්තර
- Star points, eZ Cash ගිණුම් සහ PIN අංක
- My Dialog Account Profile එක සඳහා link එක
- Configure කරන ලද call forwarding විස්තර
- Call සහ SMS Blocking configuration
- පසුගිය ඇමතුම් හෝ විස්තරාත්මක බිල්පත් තොරතුරු ලබාගැනීම
- Dialog Selfcare app එක සඳහා Profile links
- රක්ෂණ සැලසුම් වැනි ග්‍රාහකත්වය ලබාගත් සේවාවන්
මොබයිල් අංකයක් භාවිත කිරීම නතර කරන විට මම අනිවාර්යයෙන් අනුගමනය කළ යුතු ක්‍රියාමාර්ග මොනවාද?
Dialog සේවාවන් හැරුණු විට වෙනත් සේවාවන් සඳහා පාරිභෝගිකයා මොබයිල් අංකය ලියාපදිංචි කරගෙන තිබෙන විට, එවැනි සේවාවන් සඳහා ලියාපදිංචි වූ මොබයිල් අංකය වෙනස් කරගැනීමට පාරිභෝගිකයා විසින් අනෙකුත් සේවා සම්පාදකයාට ඉල්ලීමක් කළ යුතුය.
මෙම බාහිර සේවාවන්ට;
- Whatsapp, Skype, Viber, Messenger, imo, wechat, Line වැනි OTT chat/ VOIP Applications
- Facebook, Instagram, Linkedin වැනි සමාජ මාධ්‍ය ජාල
- Gmail, Yahoo, MSN වැනි email ගිණුම්
- බැංකු ගිණුම් සහ / SMS/Mobile Banking සේවාවන්
ඉහත සඳහන් ක්‍රම භාවිත කිරීමට අපහසු නොවන බව කරුණාවෙන් සලකන්න.
යම්කිසි මොබයිල් අංකයක් භාවිත කිරීම නතර කළ විට personal profiles සඳහා භාවිත කළ links මකාදැමීම පාරිභෝගිකයා සතු වගකීමක් වන අතර, එසේ කිරීමෙන් තුන්වෙනි පාර්ශවයකට වෙනත් ඇප් එකක් හරහා පුද්ගලික තොරතුරු ලබාගැනීමට නොහැකිවේ. පාරිභෝගිකයා විසින් තම දුරකථන අංකයෙන් තුන්වෙනි පාර්ශවයේ සේවා සම්පාදකයන් ඉවත් කරගනු නොලැබුවහොත් ඒ සඳහා Dialog ආයතනය වග නොකියයි.
මගේ Dialog සම්බ්න්ධතාවයට වෙනත් ඇප් එකක සක්‍රිය profile / එකක් ලියාපදිංචිවීමක් තිබෙන විට මම කුමක් කළ යුතුද?
ඔබ මිලදීගත් නව සම්බන්ධතාවයේ Whatsapp/ Viber වැනි තුන්වෙනි පාර්ශවයකට අයත් සේවාවක profile එකක් පවතී නම්, අදාළ සේවාව අක්‍රිය කරන ලෙස ඔබට අනෙකුත් සේවා සම්පාදකයාට ඉල්ලීමක් කළ හැක.
එකම මොබයිල් අංකයක් සඳහා වෙනත් පාර්ශවයක් විසින් පවත්වාගෙන යනු ලබන profile අක්‍රිය කිරීමට ටෙලිකොම් සේවා සම්පාදකයන්ට හැකියාවක් නොමැති අතර, (ඒ සම්බන්ධයෙන් ඔවුන්ට කිසිඳු ආකාරයක වගකීමක් නැත) ඔවුන්ට ඒ පිළිබඳ පාලනයක් නැත.
