நாளைய வெற்றியாளர்களை வலுவூட்டும் Dialog Big Match Season 2026 பிரம்மாண்டமான ஆரம்பம்!

இலங்கையின் முன்னணி இணைப்புச் சேவை வழங்குநரான டயலொக் ஆசிஆட்டா பிஎல்சி, 2026 ஆம் ஆண்டிற்கான Dialog Big Match Season முன்னெடுப்பை உத்தியோகபூர்வமாக அறிவித்துள்ளது. எதிர்கால கிரிக்கெட் நட்சத்திரங்களை உருவாக்கும் அடித்தளமாக பாடசாலைக் கிரிக்கெட் திகழ்கிறது. பாடசாலை மைதானங்களில் விதைக்கப்படும் இக் கனவுகளே, நாளை தேசியமும் சர்வதேசமும் அளவிலான வெற்றிகளுக்கான உறுதியான படிக்கட்டுகளாக உருவெடுக்கின்றன.

இந்த மார்ச் மாதத்தில், பழைய மற்றும் தற்போதைய மாணவர்கள் ஒன்றிணைந்து பாடசாலைக் கிரிக்கெட்டின் மீது கொண்ட தங்களின் ஆழ்ந்த ஆர்வத்தை கொண்டாடும் பருவகால உற்சாகம் நாடு முழுவதும் உருவாகவுள்ளது. இதன் ஒரு பகுதியாக, 12 முன்னணி பாடசாலைகள் பங்கேற்கும் 6 புகழ்பெற்ற Big Matches-களுக்கு டயலொக் ஆசிஆட்டா பிஎல்சி பெருமையுடன் ஆதரவு வழங்குகிறது. இப்போட்டிகள் ஒவ்வொன்றும் திறமை, ஒழுக்கம் மற்றும் பாடசாலைக் கிரிக்கெட்டின் செழுமையான பாரம்பரியத்தை பிரதிபலிக்கும் முக்கிய நிகழ்வுகளாக அமையவுள்ளன.

இது குறித்து டயலொக் ஆசிஆட்டா பிஎல்சி நிறுவனத்தின் குழும சந்தைப்படுத்தல் அதிகாரி லசந்த தெவரப்பெரும கருத்துத் தெரிவிக்கையில், “இலங்கையின் விளையாட்டு கலாச்சாரத்தில் Dialog Big Match Season என்பது பிரிக்க முடியாத ஒரு அங்கமாக திகழ்கிறது. நாட்டை எதிர்காலத்தில் பிரதிநிதித்துவப்படுத்தவுள்ள சாம்பியன் வீரர்களை உருவாக்கும் இந்த முக்கியமான பள்ளி கிரிக்கெட் கொண்டாட்டத்திற்கு தொடர்ந்து ஆதரவளிப்பதில் நாங்கள் பெருமை கொள்கிறோம். இந்த சீசனில் பங்கேற்கும் அனைத்து அணிகளுக்கும் வீரர்களுக்கும் என் மனமார்ந்த வாழ்த்துகளைத் தெரிவித்துக் கொள்கிறேன்,” என்று அவர் தெரிவித்தார்.

பாடசாலை மட்ட கிரிக்கெட்டை மேம்படுத்தும் இந்த அர்ப்பணிப்புடன் இணைந்து, உலகளாவிய அளவிலும் டயலொக் தனது பங்களிப்பை தொடர்ச்சியாக வழங்கி வருகிறது. இலங்கையின் அதிகாரப்பூர்வ ICC Broadcaster என்ற அடையாளத்தில், எதிர்வரும் சனிக்கிழமை ஆரம்பமாகும் ICC T20 World Cup 2026 உட்பட அனைத்து முக்கியமான ICC தொடர்களையும் பல்வேறு தளங்கள் ஊடாக டயலொக் நேரடி ஒளிபரப்புச் செய்யவுள்ளது. இதன் மூலம், 21 மில்லியனுக்கும் அதிகமான இலங்கையர்களை உலகளாவிய கிரிக்கெட் தருணங்களுடன் இணைக்கும் பாலமாக டயலொக் செயல்படுகிறது.

உலகின் இரண்டாவது பழமையான கிரிக்கெட் போட்டியாகக் கருதப்படும் 147 ஆவது Battle of the Blues (ரோயல் – தோமியன்) போட்டிக்கு, 21 ஆவது தொடர்ச்சியான ஆண்டாக டயலொக் ஆசிஆட்டா பிஎல்சி தனது வலுவான ஆதரவினை வழங்கி வருகிறது. இந்த மூன்று நாள் போட்டி மார்ச் 12 முதல் 14 வரை கொழும்பு SSC மைதானத்தில் நடைபெறவுள்ளதுடன், இதனைத் தொடர்ந்து ஒருநாள் போட்டி மார்ச் 28 ஆம் திகதி நடைபெறவுள்ளது.

அதேவேளை, புனித சூசையப்பர் கல்லூரி மற்றும் புனித பேதுரு கல்லூரி அணிகளுக்கிடையிலான 92 ஆவது Battle of the Saints போட்டி மார்ச் 19 முதல் 21 வரை அதே SSC மைதானத்தில் நடைபெறவுள்ளது. இதன் 52 ஆவது ஒருநாள் போட்டி ஏப்ரல் 25 ஆம் திகதி நடைபெறவுள்ளது.

வட மாகாணத்தில் தனது ஆதரவினை மேலும் விரிவுபடுத்தும் வகையில், புனித பத்திரிசியார் கல்லூரி மற்றும் யாழ்ப்பாணக் கல்லூரி அணிகளுக்கிடையிலான 109 ஆவது Northern Battle of the Golds கிரிக்கெட் போட்டிக்கு டயலொக் ஆசிஆட்டா பிஎல்சி வலுவூட்டுகிறது. இந்த போட்டி மார்ச் 12 முதல் 14 வரை வட்டுக்கோட்டை யாழ்ப்பாணக் கல்லூரி மைதானத்தில் நடைபெறவுள்ளதுடன், இதனைத் தொடர்ந்து மார்ச் 21 ஆம் திகதி ஒருநாள் (Limited-Over) போட்டி நடைபெறவுள்ளது. மலையகப் பகுதியில், தர்மராஜ கல்லூரி மற்றும் தாய்நகர போட்டியாளர்களான கிங்ஸ்வுட் கல்லூரி அணிகள் மோதும் 119 ஆவது Battle of the Maroons கிரிக்கெட் போட்டி, மார்ச் 21 முதல் 23 வரை அஸ்கிரிய கிரிக்கெட் மைதானத்தில் நடைபெறவுள்ளது. இதனைத் தொடர்ந்து, மார்ச் 28 ஆம் திகதி ஒருநாள் (Limited-Over) போட்டி நடைபெறவுள்ளது.

மேலும், மேல் மாகாணத்தில், பாணதுறை ஸ்ரீ சுமங்கல கல்லூரி மற்றும் மொரட்டுவ மகா வித்தியாலயம் அணிகளுக்கிடையிலான 74 ஆவது Battle of the Golds கிரிக்கெட் போட்டிக்கு டயலொக் ஆசிஆட்டா பிஎல்சி வலுவூட்டுகிறது. இந்த போட்டி மார்ச் 27 முதல் 29 வரை மொரட்டுவை, டைரோன் பெர்னாண்டோ மைதானத்தில் நடைபெறவுள்ளதுடன், இதனைத் தொடர்ந்து ஏப்ரல் 5 ஆம் திகதி ஒருநாள் (Limited-Over) போட்டி இடம்பெறவுள்ளது. அத்துடன், புனித ஆனாள் கல்லூரி மற்றும் மலியதேவ கல்லூரி அணிகளுக்கிடையிலான 42 ஆவது Battle of the Rocks கிரிக்கெட் போட்டி, மார்ச் 20 முதல் 22 வரை வெலகெதர மைதானத்தில் நடைபெறவுள்ளதுடன், இதன் ஒருநாள் (Limited-Over) போட்டி மார்ச் 29 ஆம் திகதி நடைபெறவுள்ளது. இந்த இளம் நட்சத்திர வீரர்கள் தங்கள் உற்சாகமான கிரிக்கெட் பயணத்தைத் தொடங்கும் இந்நேரத்தில், பங்கேற்கும் அனைத்து அணிகளுக்கும் டயலொக் ஆசிஆட்டா பிஎல்சி தனது மனமார்ந்த வாழ்த்துகளைத் தெரிவித்துக் கொள்கிறது. மேலும், விளையாட்டு சிறப்புமிக்க பருவமாக இந்த சீசன் திகழும் என்ற நம்பிக்கையுடன், பரபரப்பான போட்டிகளை எதிர்நோக்குகிறது.

பார்வையாளர்கள் போட்டியின் முழு சுவாரசியத்தையும் Dialog Television channel 62, 63, 126 மற்றும் 127 ஆகியவற்றில் கிடைக்கும் ThePapare TV ஊடாக நேரடியாகக் கண்டு ரசிக்கலாம். மேலும், Play mobile App மற்றும் ThePapare.com இணையதளத்தின் மூலம் நேரலை ஒளிபரப்பையும் ஸ்ட்ரீமிங் வசதியையும் அனுபவிக்கலாம்.

கிரிக்கெட், வாலிபால், நெட்பால் மற்றும் esports விளையாட்டுகளில் தேசிய அணிகளின் பெருமைக்குரிய ஆதரவாளராக டயலொக் ஆசிஆட்டா பிஎல்சி தொடர்ந்து செயல்பட்டு வருகிறது. அதேபோல், ஸ்ரீ லங்கா Golf open போட்டியின் முதன்மை ஆதரவாளராகவும், பாராலிம்பிக் விளையாட்டுகளுக்கான ஆதரவாளராகவும் இருந்து, தேசிய பாரா விளையாட்டுப் போட்டிகள் (National Para Games) மற்றும் உலக பாராலிம்பிக் விளையாட்டுகளுக்கான இலங்கை அணிக்கு சக்தியளித்து வருகிறது. எதிர்கால சாம்பியன்களை உருவாக்கும் தனது உறுதியான அர்ப்பணிப்புடன், President’s Gold Cup Volleyball, தேசிய இளையர் மற்றும் மூத்த நெட்பால் போட்டிகள், மற்றும் பாடசாலை ரக்பி ஆகியவற்றுக்கும் டயலொக் ஆசிஆட்டா பிஎல்சி தொடர்ச்சியான ஆதரவை வழங்கி வருகிறது.