டயலொக் இலங்கையில் முதன்முறையாக ‘WiFi 6’ - எனும் அடுத்த தலைமுறை WiFi தரநிலையை அறிமுகப்படுத்தியுள்ளது
2023 மார்ச் 09 கொழும்பு
இலங்கையின் முன்னணி தொலைத்தொடர்பு இணைப்பு வழங்குனரான டயலொக் ஆசிஆட்டா பிஎல்சி 'எதிர்காலம் இன்றே' எனும் தமது வர்த்தக நாம நெறிமுறைக்கமைய உண்மையாக செயற்படுவதன் மற்றுமொரு அடையாளமாக இலங்கையில் முதன்முறையாக Wi-Fi தொழில்நுட்பத்தில் அடுத்த தலைமுறை தரநிலையான ‘WiFi 6’ ஐ அறிமுகப்படுத்தியுள்ளது.
அநேகமான வீடுகளில், ஸ்மார்ட்ஃபோன்கள், டெப்லட்டுகள் தொடக்கம் TVகள், ஸ்மார்ட் ஹோம் சாதனங்கள் மற்றும் தடையற்ற இணைப்பு தேவைப்படும் அதிக Wi-Fi இல் இயக்கப்படும் சாதனங்கள் போன்றன பாவனையில் இருப்பதனால், அறிமுகமாகியுள்ள இந்த புதிய Wi-Fi 6 ஆனது மேற்குறிப்பிட்ட பல சாதனங்களுக்கு இடையே சிறந்த தகவல்தொடர்புகளை செயல்படுத்தும் தன்மையை கொண்டுள்ளது. இத்தகைய சந்தர்ப்பத்தில் ஒரே நேரத்தில் அதிவேகத்திலும் குறைந்தளவு தாமதத்திலுமான டேட்டா தேவைப்படும் சந்தர்ப்பம் எழுவதால், அதன்போது Wi-Fi 6 ஆனது குறுக்கீடுகள் மிக்க வலயங்களிலும் கூட (அதாவது பல Wi-Fi வலையமைப்புகள் கொண்ட) சாதனங்கள் உகந்த முறையில் பரந்த பாதுகாப்புடன் தொழிற்பட உதவிகரமாக இருக்கின்றது.
Wi-Fi 6 என்பது முன்னையவற்றை காட்டிலும் கணிசமான மேம்படுத்தல் தன்மையை கொண்டதாகும், பல சாதனங்கள் டேட்டாவை கோரத் தொடங்கும் போதும், ஒரே வலையமைப்பில் பல Wi-Fi சாதனங்களைப் பயன்படுத்தும் போதும் ஏற்படும் சிக்கல்களைத் தணிப்பதற்கு உதவும் வகையில் Wi-Fi 6 புதிய தொழில்நுட்பங்களை அறிமுகப்படுத்துகிறது. மேலும், இந்த Wi-Fi 6 தொழில்நுட்ப பாவனையின்போது ஏற்படும் குறைந்தளவேயான தாமதமானது சிறந்த கேமிங் (gaming) மற்றும் ஸ்ட்ரீமிங் (streaming) அனுபவத்தை வழங்குகின்றமை சிறப்பம்சமாகும்.
Dialog Smart Home சமீபத்தில் WiFi 6 மூலம் செயற்படுத்தும் ‘Wi-Fi Mesh’ ஐ அறிமுகப்படுத்தியது, இது ஒரு முழுமையான மற்றும் மிகவும் பாதுகாப்பான வீட்டு Wi-Fi அமைப்பாக, குறைந்த கவரேஜ் புள்ளிகளை அகற்றுவதன் மூலம் வீட்டின் ஒவ்வொரு மூலையிலும் Wi-Fi இணைப்பை செயல்படுத்தும் வகையில் வடிவமைக்கப்பட்டுள்ளது, எதிர்காலத்திற்கு தயார்மிகு தீர்வு தொகுப்புகளில் இணைந்த சமீபத்திய சேர்ப்பிப்பாக இது அமைந்துள்ள அதேவேளை, தடையற்ற இணைப்பின் தேவையையும் நிவர்த்தி செய்கின்றமை குறிப்பிடத்தக்கது.
Dialog Smart Home Wi-Fi 6 செயற்படுத்தும் - Mesh பற்றிய மேலதிக விபரங்களை www.dialog.lk/smart-home ஊடாக அறிந்துக்கொள்ள முடியும்.
